2016-cı ilin maşını artıq hazırdır - VİDEO

Los Anceles Avtomobil Sərgisində yenilənmiş «Nissan Sentra» nümayiş etdirilib. Avtosfer.az xəbər verir ki, avtomobilin xarici görüşündə yeniliklər var: arxa və ön faralar bumeranq formasında hazırlanıb. Sələflərindən fərqli olaraq, təkərlər 15, 16 disklərlə deyil, 17 ölçülü, yüngül xəlitəli disklərlə təchiz edilib. Salonda da xeyli dəyişiklik var. Sükan yenidən dizayn edilib. Sürücü oturacağı elektriklə hərəkət etdirilir.

4 silindirli mühərriklə təchiz edilən "Nissan Sentra 2016" 1.8 litr həcmindədir. Yanacağa qənaət edir. Ötürücü tamamilə yenilənmiş X-troniklə əvəzlənib. Sentra S növləri isə 6 pilləli mexaniki ötürücü ilə təchiz edilib.

«Nissan Sentra 2016» 6 komplektasiyada təqdim edilir: S 6MT, S Xtronic, FE+ S, SV, SR və SL.

Satışa 2015-ci ilin dekabr ayının sonlarında çıxacaq bu əsrarəngiz avtomobillərin qiymətləri 16780 dollardan («Nissan Sentra» S 6MT model)  başlayacaq.

Avtosfer.az