3500 avroya krossover - SATIŞLAR BAŞLAYIR

“Renoult” şirkəti çox ucuz “Renoult Kwid” markalı «hetcbek»  minik avtomobilləri buraxacaq. Bu maşınlar inkişaf etməkdə olan ölkələrdə satılacaq. Ən ucuz avtomobilin satışına əvvəlcə Hindistanda başlanacaq. Onun qiyməti 256 968 rupi və ya 3443 avro olacaq. “Renoult Kwid” modeli 3679 millimetr uzunluğa, 1579 millimetr enə və 2422 mm hündürlüyə malikdir. Başqa sözlə, bu model “Renault Sandero” ilə müqayisədə balacadır. Avtomobilin yerdən hündürlüyü 180 millimetrə çatır ki, buna görə də, «Kwid»i krossover də saymaq olar. “Renoult Kwid” 0,8 lirt həcmli 54 at gücü olan mühərriklə hərəkət edir. Avtomobilin 5 pilləli mexaniki sürət qutusu var. “Renoult Kwid” ucuz model sayılsa da, olduqca yaxşı təmin edilib. Məsələn, onu nisbətən bahalı versiyalarında kondisioner, duman əleyhinə faralar, açarsız daxil olma sistemi, mərkəzi qapanma sistemi, 7 düymlük sensorlu displeyi olan multimedia sistemi, “Blootooth” və təhlükəsizlik yastıqları var. Bütün bu imkanlara malik avtomobil 353 131 rupiyə və yaxud 4731 avroya başa gəlir. Hindistanla yanaşı, “Renoult Kwid” modelinin Braziliya və İranda satılması da nəzərdə tutulub. 2016-cı ildə isə avtomobilin bazarları sırasına Əlcəzair də əlavə olunacaq. Amma onun Avropada satışı planlaşdırılmır. /fins.az/