3D inqilab etdi - Avtomobil çapı dünyanı şoka saldı - VİDEO

Hər ötən gün imkanları artan 3d printerin növbəti sürprizi avtomobil həvəskarlarına aiddir. Nə qədər qəribə səslənsə də bundan sonra avtomobili də 3D printerin  köməyi ilə çap etmək mümkün olacaq. Avtosfer.az xəbər verir ki, “Blade” adı verilən 3D avtomobil San Fransiskonun “Divergent Microfactories”  şirkəti tərəfindən hazırlanıb. Əvvəl avtomobilin hissələri printerdə çap olunub, sonra xüsusi texnologiya ilə birləşdirilib. İzləyənlərin böyük marağına səbəb olan avtomobilin hazırlanmasına cəmi 44 saat vaxt sərf olunub. 700 at gücünə, 635 kiloqram çəkiyə malik “Blade” avtomobili artıq ilk sınaqdan uğurla çıxıb. 3D avtomobilin sınağında heç bir texniki nasazlıq qeydə alınmayıb.

3D avtomobilin ilkin qiyməti haqda heç bir məlumat verilməsə də, gələcəkdə sayının artırılacağı pronozlaşdırılır.