52 ilin avtomobilini 38 milyon dollara satdılar - FOTOLAR

ABŞ-da 1962-ci model "Ferrari" rekord qiymətə satılıb. Lent.az-ın məlumatına görə, açıq hərrac yolu ilə satışa çıxarılmış qırmızı rəngli "Ferrari 250 GTO"nun müştəriləri gözləndiyindən xeyli çox olub. Bunun nəticəsində də avtomobilin qiyməti 38 milyon dollaradək yüksəlib və nəhayət adı açıqlanmayan şəxs 38,1 milyon dollara bu avtomobili almağa müvəffəq olub.

Qeyd edək ki, bu avtomobilin sahibi, tanınmış gəmiçi Henri Oryeller 1962-ci ildə elə bu avtomobillə düşdüyü qəzada ölüb. Hərraca çıxarılmış avtomobildən isə 1962 və 1964-cü illərdə cəmi 36 ədəd istehsal edilib.