Avropanın avtomobil şirkətlərinin satışları azalıb

Avropa Avtomobil Konstruktorları Assosiasiyası yanvar ayında markalar üzrə təzə avtomobil satışlarının statistikasını yayıb.

Avtosfer.az bildirir ki, Avropanın bütün istehsalçılarının satışları geriləyib. "Volkswagen" qrupunun satışları ay ərzində 7% azalıb. Onun rəqibi "Stellantis"də geriləmə daha ciddidir: 15,1%. "Renault" qrupunun ən çox satılan modeli "Dacia"nın satışında azalma 16%-ə çatır. Alman istehsalçılara gəlincə, "BMW"nin satışları 9,2%, onun rəqibi "Mercedes"in satışları 13,8% azalıb. Avropalı istehsalçıların tənəzzülü fonunda asiyalı istehsalçıların satışlarında davamlı artım müşahidə olunur. "Toyota"nın satışları 9,7%, Hyundai-Kia qrupunun satışları isə 28,7% artıb.