Avtomobil almaq istəyirsinizsə, bu ayı gözləyin – AÇIQLAMA

"Xaricdən idxal edilən avtomobillərdə 5 faiz civarında bahalaşma müşahidə edilir”.

Bunu Sfera.az-a açıqlamasında nəqliyyat məsələləri üzrə ekspert Eldəniz Cəfərli deyib. Ekspert qiymətində bahalaşma müşahidə edilən avtomobilləri aşağıdakı kimi təsnifatlaşdırıb:

"Bahalaşmasının əsas səbəbi qlobal proseslərdir. Daşınma, logistika sahəsində xidmətlərin qiyməti artdığı üçün avtomobillərin qiyməti yüksəlir. Ölkəmizə idxal olunan mühərrik həcmi böyük olan avtomobillərə tətbiq olunan aksiz vergisi artırılıb. Bu da istər-istəməz istehsalçıların qiymətləri yüksəltməsi ilə nəticələnir. Bazarda ümumi bahalaşma 5-10 faiz civarında müşahidə edilməkdədir. Bununla bərabər, yanvar ayında dekabra nisbətdə ölkədə 20  faiz daha çox avtomobil satılıb”.

Ekspert qiymətlərin dəyişəcəyi vaxtla bağlı məsələyə də aydınlıq gətirib:
 
"Qiymətlərin kəskin ucuzlaşacağı ehtimalı yoxdur. Lakin yaxın aylar ərzində avtomobillərin qiymətininin bahalşması da gözlənilən deyil. May ayınadək bazarda qiymətlər stabil olaraq qalacaq. May ayından sonra isə qiymətlərdə dəyişikliyin olması gözlənilə bilər”.