Avtomobil satışı yarıbayarı azaldı

Bu ilin yanvar-oktyabr aylarında Azərbaycana 24 219 ədəd avtomobil idxal olunub. Bu göstərici ötən ilin eyni dövrü ilə müqayisədə 27 867 avtomobil və 46,4% azdır. 

Avtosfer.az xəbər verir ki, bu barədə Dövlət Gömrük Komitəsinin (DGK) son açıqladığı hesabatda bildirilib. 

Belə ki, ölkəyə gətirilən avtomobillərin 757 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 21 497  ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 1 750 ədədi yük daşımaq üçün motorlu nəqliyyat vasitələri, 215 ədədi isə xüsusi təyinatlı motorlu nəqliyyat vasitələridir. eyd edək ki, ötən ilin anoloji dövründə ölkəyə 52 086 ədəd avtomobil gətirilmişdi.