Azərbaycan maşın idxalını 50 faizdən çox azaltdı

2015-ci ilin 9 ayında Azərbaycana 22 915 ədəd avtomobil idxal edilib. Bu da ötən ilin anoloji dövrü ilə müqayisədə 25 min 69 ədəd və ya 52,2% azdır. Avtosfer.az virtualaz.org-a istinadən bildirir ki, Dövlət Gömrük Komitəsinin (DGK) cari ilin 9 ayı üzrə açıqladığı statistik hesabata görə, ölkəyə gətirilən avtomobillərin 733 ədədi 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 20 386 əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 1584 yük daşımaq üçün motorlu nəqliyyat vasitələri, 212 ədədi isə xüsusi təyinatlı motorlu nəqliyyat vasitələridir.

Qeyd edək ki, ötən ilin 9 ayı ərzində Azərbaycana 47 min 984 ədəd nəqliyyat vasitəsi idxal olunmuşdu.