Azərbaycanda ən çox alınan avtomobillər - SİYAHI

Azərbaycanda ən çox alınan avtomobillər məlum oldu. Avtosfer.az “marja” -a istinadən məlumatına görə, Dövlət Statistika Komitəsinin məlumatlarına əsasən hesablanıb ki, 2014-cü ildə Azərbaycanda ən çox dövlət qeydiyyatına Mercedes, Hyundai, Toyota, KİA və Nissan avtomobilləri alınmışdır.

2014-cü ildə Azərbaycanda Dövlət Yol Polisinin qeydiyyata aldığı minik avtomobillərinin sayı 51318 ədəd artaraq ilin sonunda 1 milyon 100 min 124 ədədə çatmışdır. 2013-cü ildə artım 90212 ədəd olmuşdu. Ötən il qeydiyyata alınmış minik avtomobillərinin 30 min 51 ədədi və ya 58,5%-i yuaxrıda adları çəklən 5 markanın payına düşüb.

 VAZ-larin PAYI AZALIR

 Azərbaycanın minik avtomobilləri parkında olan avtomobillərin 400 min 176 ədədi və ya 36,4%-i VAZ markalı avtomobillər olub. 2013-cü ilin sonunda avtomobil parkında olan avtomobillərin 399 min 46 ədədi və ya 38%-i VAZ markalı avtomobillər idi.

Azərbaycanda VAZ-ın ən çox satılan modeli 2121-dir (NİVA). Ötən il ölkəmizdə 2147 ədəd NİVA avtomobili qeydiyyata alınıb. Bu rəqəm 2013-cü ildə 3956 ədəd idi.

Azərbaycan bazarında böyük marağın olduğu Mercedes-lərin sayı ötən il 11767 ədəd artıb. Mercedes avtomobillərinin böyük bir hissəsi ikinci əl olaraq Gürcüstandan gətirilib. 2014-cü ildə dövlət qeydiyyatına alınmış Hyundai və Kia-ların sayı  müvafiq olaraq  6110 və 3624 ədəd artarkən, Toyota-ların sayı 5039 ədəd, Nissan-ların sayı 3511 ədəd artıb.

Ötən il Azərbaycanda ən çox VAZ-2101, 03-06 və Qaz-24 modellərindən olan avtomobillərin sayı azalıb.  

 BU AVTOMOBİLLƏRİN SAYI 2013-CÜ İLDƏKİNDƏN ÇOX ARTIB 

 2013-cü ildəki artım ilə müqayisədə qeydiyyata alınma sayında artımı davam etdirmiş avtomobil markaları LandRover, Mazda və Fiat olub. 2013-cü ildəki artımla müqayisədə 126 ədəd çox olmaqla 911 ədəd LandRover, 354 ədəd çox olmaqla 673 ədəd Fiat və 154 ədəd çox olmaqla 601 ədəd Mazda dövlət qeydiyyatına alınıb. 2013-cü ildəki artım ilə müqayisədə artımında ən çox azalma baş vermiş avtomobil markaları Mercedes (2 dəfədən çox), Opel (3 dəfəyə yaxın), KİA, Nissan VAZ, BMW, Chevrolet olub.

Azərbaycanda ən çox bəyənilən avtomobil markaları olan Hyundai və Toyota-ların isə artımı səngiyib.

 NƏQLİYYAT VASİTƏLƏRİNİN SAYI 1 MİLYON 291 MİN ƏDƏDİ ÖTÜB

 2014-cü ildə Azərbaycanda qeydiyyata alınmış nəqliyyat vasitələrinin sayı 58330 ədəd artaraq ilin sonunda 1 milyon 291 min 8 ədədə çatmışdır. Avtomobillərin 1 milyon 100 min 124 ədədini minik avtomobilləri, 141 min 126 ədədini yük avtomobilləri, 30 min 943 ədədni avtobuslar, 11 min 282 ədədini xüsusi təyinatlı avtomobillər, 2877 ədədini motosikllar və 7 min 533 ədədini digərləri təşkil edib. 2014-cü ilin sonuna olan məlumata görə, Azərbaycanda hər 1000 nəfərə 137, hər 100 ailəyə isə 52 avtomobil düşüb.

 2012-2014-cü illərdə Azərbaycanda ən çox qeydiyyata alınmış avtomobil markaları, ədədlə