Azərbaycanda sürücülərin yuxulaması bu şirkətə 1,5 milyona başa gəldi

"AXA MBASK” sığorta şirkəti yay ayları ərzində baş verən avtomobil sığorta hadisələrinin statistikasını açıqlayıb. Şirkətdən fins.az-a verilən məlumata görə, iyun-avqust aylarında şirkətin sığortaladığı avtomobillərlə bağlı 1431 sığorta hadisəsi baş verib. Bu hadisələrin 754-ü avtomobilin icbari sığortası, 667-si isə kasko sığorta ilə bağlı olub. Qəzaların 509-u regionlarda, 922-si  isə Bakıda baş verib. Bununla bağlı “AXA MBASK” sığorta şirkəti   1 566 347 manat  sığorta ödənişi edib. Baş vermiş qəzaların əsas səbəbləri isə sürücülərin manevr qaydasını pozmaları və yuxusuzluq olub.