Bakıda 650 minlik avtomobilin sahibi tapıldı - FOTOLAR

Bu gün Bakıda Dövlət İqtisad Universitetinin qarşısında qiyməti 650 min dollar olan avtomobilin fotosu yayılıb. Univeristetin yaxınlığında görünən bir avtomobil ərazidə olan şəxslərin diqqətini cəlb edib. Yaxınlıqda olan şəxslər bu maşının unveristet tələbələrindən birinə aid olduğunu bildiriblər. "Lambarcini Gallardo" markalı bu avtomobilin qiyməti 650 min ABŞ dolları olduğu bildirilir. 

Məlumatda qeyd olunur ki, maşın "Şərur" MTK-nın sədri "Şərurlu İsfəndiyar" kimi tanınan iş adamı, İsfəndiyar Axundovun oğlu Allahverdi Axundova məxsusdur. 

Xatırladaq ki, bir neçə il əvvəl də "Şərurlu İsfəndiyar" oğlanları ilə gündəmə gəlmişdi. Belə ki, İsfəndiyar Axundovun oğlu Şahin Axundov 2005-ci il dekabrın 18-də şəhərin mərkəzində dostu Anar İsmayılovun avtomobilinə atəş açmışdı. O, 2007-ci ildə məhkəmənin hökmü ilə 7 il müddətinə azadlıqdan məhrum olunub. Avropa.info