Bakıda milyonluq avtomobil mərkəzi açılır

Bakıda lüks klass avtomobillərin satışı ilə məşğul olan daha bir mərkəz açılır. Avtosfer.az-ın buro247.az-a istinadən verdiyi xəbərə görə, Flame Towers binalarından birində yerləşən “Lamborghini” mərkəzinin açılışı bu həftə keçiriləcək. Bahalı idman avtomobilləri istehsalçısı olan bu İtaliya brendinin əsası 1963-cü ildə qoyulub. Hazırda “Lamborghini” “Audi” alman şirkətinin tərkibinə daxildir.

Qeyd edək ki, Bakıda “Bentley”, “Maserati”, “Jaguar” və “Ferrari” mərkəzləri fəaliyyət göstərir.