Bakıda ucuz maşın bazarı – “Nissan” 3 MİN MANATA

Noyabrın 10-da Əmlak Məsələləri Dövlət Komitəsi (ƏMDK) yanında Hərracların Təşkili üzrə Auksion Mərkəzində (HTAM) avtomobil hərracı keçiriləcək. Avtosfer.az ƏMDK-ya istinadən yaydığı məlumata görə, buraxılış ili 1997-ci ildən 2007-ci ilə qədər olan 10 avtonəqliyyat vasitəsi çıxarılacaq. Minik maşınlarının qiyməti 1128 manatdan 3471 manata qədər dəyişir.

2-ci və 10-cu sətirdə olan nəqliyyat vasitələri 3-cü dəfə və 10 % endirimlə, 3-8-ci sətirdə olan nəqliyyat vasitələri 2-ci dəfə, 9-cu sətirdə olan nəqliyyat vasitəsi isə 5 dəfədən çox və 50% endirimlə təkrar hərraca çıxarılır. Hərracda iştirak etmək istəyənlər əldə etmək istədikləri avtomobilin start qiymətinin 10%-i qədər, Azərbaycan Mərkəzi Bankındakı AZ65NABZ01361150000000004944 nömrəli hesaba beh ödəməlidir. Daha sonra ödəniş qəbzini şəxsiyyət vəsiqəsi ilə birlikdə noyabrın 7-nə qədər hərrac komissiyasına təqdim etmək lazımdır. HTAM Bakı şəhəri, Nərimanov rayonu, Zeynal Xəlil küçəsi, 11a ünvanında yerləşir.