Bu avtomobildən yalnız bir ədəd hazırlandı - FOTO

Bugatti şirkəti Kaliforniyada keçirilən eleqantlıq müsabiqəsində unikal Veyron modelini təqdim edib. Anspress-in məlumatına görə, Sinqapurdan olan müştərinin sifarişi ilə avtomobildən yalnız bir ədəd hazırlanıb. Grand Sport Vitesse "1 of 1" markanın məşhur klassik modelləri "Type 41 Royale", "Type 55" və "Type 44" kimi qara-sarı rənglərə boyanıb. Xüsusi rəngdən əlavə, hiperkar qeyri-adi radiator barmaqlığı əldə edib. Burada avtomobilin sahibinə məxsus "PL" inisiallarını görmək olar. Şirkətdən verilən rəsmi məlumata görə, bu detalın hazırlanmasına 200 saata yaxın vaxt sərf olunub. Hiperkar 8 litrlik 4 turbinli W16 mühərriki ilə təchiz edilib, mühərrik 1200 at gücünə sahibdir. Grand Sport Vitesse "1 of 1" modelinin maksimal sürəti 400 km/saatdan çoxdur.