Bu avtomobillər “Android Auto” sistemi ilə təchiz ediləcək

Cənubi Koreya və dünyanın ən iri avtomobil istehsalçılarından olan “Hyundai Motor Co.” öz avtomobillərini “Google” şirkətinin hazırladığı “Android Auto” sistemi ilə təchiz edəcəyini açıqlayıb. İKT.lent.az-ın xəbərinə görə, “Android Lollipop 5.0” bazasında çalışan sistem öncə “Sonata” sedanının 2015-ci il modelində tətbiq olunacaq, daha sonra isə digər modellərdə də quraşdırılacaq. Şirkət bu prosesə ABŞ-a satdığı modellərdən başlayacaq.

“Android Auto” sürücülərin avtomobili idarə edərkən öz smartfonlarına nəzər salmasının və beləliklə, qəza təhlükəsi yaşamasının qarşısını alacaq. Belə ki, smartfona daxil olan zənglər və mesajlar avtomobilin digital ekranında görünəcək. Smartfondakı musiqiləri də bu funksiya vasitəsilə dinləmək mümkün olacaq.