Dövlət 1000 manata maşın satacaq - HƏRRAC

İyunun 9-da Əmlak Məsələləri Dövlət Komitəsi (ƏMDK) yanında Hərracların Təşkili üzrə Auksion Mərkəzində (HTAM) avtomobil hərracı keçiriləcək. Avtosfer.az ƏMDK-ya istinadən xəbər verir ki, hərraca istehsal ili 1995-ci ildən 2008-ci ilə qədər olan 12 nəqliyyat vasitəsi çıxarılacaq. Avtomobillərin qiyməti 1020 manatdan 5325 manata qədər dəyişir. Hərracda iştirak etmək istəyənlər əldə etmək istədikləri avtomobilin start qiymətinin 10%-i qədər beh ödəməlidir. Daha sonra ödəniş qəbzini şəxsiyyət vəsiqəsi ilə birlikdə iyunun 6-na qədər hərrac komissiyasına təqdim etmək lazımdır. HTAM Bakı şəhəri, Nərimanov rayonu, Zeynal Xəlil küçəsi, 11a ünvanında yerləşir.