Elektriklə çalışan və sürücüsüz hərəkət edən “Audi”

“Audi” şirkəti elektrik enerjisi ilə çalışan super avtomobilinin sürücüsüz gedə bilən yeni modelini təqdim edib. İKT.lent.az-ın “Hürriyet”ə istinadən verdiyi məlumata görə, “Audi” idman avtomobili “R8 e-tron”un sürücüyə ehtiyac olmayan yeni versiyasını Çində keçirilən avtomobil sərgisində nümayişə çıxarıb. Avtomobil avtomatik idarəetmə üçün içərisində lazer sistemi, videokamera, ultrasəs və radar sensorlarının olduğu sensorlardan faydalanır. Sensorlardan gələn informasiyalar “zFAS” sistemində toplanır və sistem avtomobilin necə davranacağına qərar verir.

“R8 e-tron” 170 kilovatlıq mühərrikə sahibdir və 3,9 saniyədə 100 km/saat sürət yığır. Maksimum sürəti 250 km/saat olan avtomobil şarj olunduqdan sonra 2 saat çalışır.