Hansı rəngli avtomobillər daha çox qəza törədir? - VİDEO

Avtomobilin rəngi və qəza... Bu ikisi arasında nə əlaqə var deməyə tələsməyin. Mütəxəssislər apardıqları araşdırma nəticəsində, avtomobilin rənginin yol nəqliyyat hadisələrinə birbaşa təsir etdiyi qənaətinə gəliblər.

Araşdırma nəticəsində məlum olub ki, 2015-ci ildə ən çox qəzaya səbəb olanlar qara, gümüşü, yaşıl və boz rəngli avtomobil sahibləridir.Ən az qəzaya düşənlərsə sarı, ağ və qırmızı rəngli avtomobili olanlardı. Mütəxəssislər bunu, həmin rənglərin hələ uzaq məsafədən seçilməsi ilə əlaqələndirir. Məlum olub ki, gündüz vaxtı qara, gümüşü, yaşıl və boz rəngli avtomobillərin qəza riski 12 faiz, sarı, ağ və qırmızı rəngli avtomobillərinsə 7 faizdir. Qaranlıq havada isə tünd rəngli avtomobillərin qəza riski, açıq rəngli avtomobillərdən 2 dəfə çoxdur.

Bununla belə rənglər nə qədər qəza yaradan amil olsa da, yol hərəkəti qaydalarına əməl olunması əsas şərt olaraq qalır.