“Mercedes”dən “Apple Watch” saatları üçün yeni əlavə

“Mercedes-Benz” şirkəti “Apple Watch” saatlarını dəstəkləyən avtomobil istehsalçılarına qoşulmağa qərar verib. İKT.lent.az-ın “ixbt.com” saytına istinadən xəbərinə görə, şirkətin “Apple Watch” saatları üçün hazırladığı əlavənin əsas funksiyası naviqasiyadan ibarət olacaq. Bu əlavə avtomobilin bort kompüterinə məlumatları ötürməyə imkan verəcək. Məsələn, bu məlumatlar sayəsində sürücü evdə olarkən smartfonda avtomobilin hərəkət marşrutunu öncədən verə bilər. Maşına oturduqdan sonra isə “Apple Watch” saatının köməyi ilə marşrutu avtomobilə vermək və bort ekranında göstərişləri izləmək mümkün olacaq. 

Bundan başqa, sürücü avtomobili tərk etdikdən sonra da saat maşının yerləşdiyi yeri yadında saxlayır. Yeni əlavə “COMAND Online” bort sistemi ilə təchiz edilmiş “C-Class” və “S-Class” modellərində dəstəklənəcək.