“Opel” və “Chevrolet” gələn aydan bazarı tərk edir

“Opel” və “Chevrolet” Rusiya bazarını rəsmən tərk etməyə hazırlaşır. APA TV-nin məlumatına görə, hər iki marka Rusiya bazarı ilə ilin sonunda vidalaşacağını açıqlasa da, qərarlarını dəyişiblər. Rəsmi məlumatlara görə, hazırda hər iki şirkətin anbarında ümumilikdə 6 min maşın qalıb, bu maşınların bir ay ərzində satılacağı proqnozlaşdırılır. Rəsmi dilerlər “Opel” və “Chevrolet”lərin artıq anbarlarda tükənməyə başladığını açıqlayıblar. Rublun devalvasiyasından sonra hər iki marka Rusiya bazarını rentabelli saymadıqlarına görə bu ölkədə istehsal və satışı dayandıracağını açıqlamışdı. “General Motors” martın 18-də ilin sonunadək Rusiyada “Opel” və “Chevrolet”lərin satışının rəsmən dayandırılacağını bəyan etmişdi. Bazarı dəyərləndirən şirkət artıq oktyabrdan Rusiya bazarını tərk etmək qərarına gəlib.