Polşada avtomobil sərgisi açılıb

Polşanın paytaxtı Varşavada "Warsaw Moto Show 2015" adlı avtomobil sərgisi baş tutub. Avtosfer.az anspress-ə istinadən xəbər verir ki, sərgidə 70-ə yaxın şirkət öz yeni avtomobillərini nümayiş etdirib. Sərgidə yeni modellərlə yanaşı, "Ford T" və "Fiat 518" modelli retro avtomobillər də diqqəti cəlb edib. Sərgidə 200-dən çox avtomobil nümayiş olunub. “Burada ən son texnologiya əsasında hazırlanmış avtomobilləri əldə edə bilərsiniz. İdman avtomobili, şəhər avtomobili, hər cür modelləri tapmaq mümkündür” - deyə sərginin təşkilatçılarından olan Tomaş Şpula bildirib. Sərgidə nümayiş olunan qayıq yedəyi də maraq mərkəzində olub.