“Retro avtomobillərin gözəllik və zərafət yarışı...” - VİDEO

“Retro avtomobillərin gözəllik və zərafət yarışı...”. Avtosfer.az atv.az-a istinadən xəbər verir ki, Türkiyənin İstanbul şəhərində bu ad altında keçirilən yarışma böyük marağa səbəb olub. Münsiflərin xarici, daxili görünüş, orijinallıq, tarix kimi müxtəlif kateqoriyalar üzrə qiymətləndirmə apardıqları yarışmanın nəticələrinin bir neçə gün ərzində açıqlanacağı planlaşdırılır.

Yarışmaya maraq isə gözlənildiyindən də çox olub. Şəhər sakinləri və turistlər ən qədim taksi markaları ilə tanış olmaq imkanı əldə ediblər. Bundan əvvəl tamaşaçıların bəzilərinə retro avtomobildə əyləşib qısa müddət ərzində nostalji hisslərə qapılmaq şansı da verilib. Avtomobillər arasında 1974-cü ilin Mercedesinə, 1976-cı ilin Chevroletinə, 1961-ci ilin Porşesinə belə rast gəlmək mümkündür.

Retro avtomobillərə həddən artıq marağın olduğunu görən təşkilatçılar gələcəkdə belə yarışmaları daha tez-tez təşkil etmək niyyətindədir.