"Volkswagen" işçilərinə vaxt verdi

Almaniyanın avtomobil istehsalçısı "Volkswagen" şirkətin saxta ekoloji test proqramından xəbəri olan şəxslərin irəli çıxması üçün onlara noyabr ayının sonuna qədər vaxt verib.

Avtosfer.az anspress-ə istinadən xəbər verir ki, məsuliyyəti üzərinə götürən şəxslər şirkətdən qovulmaqdan yaxa qurtara biləcəklər. Rəhbərlik ən pis halda onları başqa vəzifəyə keçirəcəyinə vəd verib.

Bir müddət əvvəl "Volkswagen"in ekoloji testdən keçməsi üçün saxta proqramdan istifadə etməsinə dair faktın ortaya çıxması skandala səbəb olmuşdu. Vəziyyətlə əlaqədar şirkətin bir neçə rəsmisi vəzifəsindən istefa verməli oldu. Şirkət yüz minlərlə avtomobilini geri çağırmaq məcburyyətində qalıb. 11 milyon avtomobilin skandala qarışdığı bildirilir. Şirkətə dəyən ziyanın həcmi 6.7 milyard avro təşkil edir. Hazırda faktla bağlı istintaq araşdırması gedir.