“Volkswagen”ə 18 milyard dollar cərimə

Almaniyanın avtomobil konserni “Volkswagen” istehsal etdiyi 500 minə yaxın maşında olan proqram təminatına görə iri məbləğdə cərimə ödəyəcək. Avtosfer.az “Bloomberg” agentliyinə istinadən yaydığı məlumata görə, bu barədə Almaniyanın Ətraf Mühitin Mühafizəsi Agentliyindən bildirilib. Söhbət əsasən 2009-2015-ci ildə buraxılmış dizel mühərrikli avtomobillərdən gedir. Agentlikdə hesab edirlər ki, həmin maşınların təmizləyici sistemlərini idarə edən proqram təminatı ekoloji normalara tam cavab vermir və son nəticədə ətraf mühitə buraxılan zərərli maddələr normadan 10-40 dəfə çoxdur. Bu isə insanların səhhətinə mənfi təsir göstərir.

Ətraf Mühitin Mühafizəsi Agentliyinin nümayəndəsi Sintiya Jil deyib ki, “Volkswagen” hər problemli avtomobilə görə 37,5 min dollar cərimə ödəməli olacaq. Bu hesabla avtokonsernin ümumi cəriməsi 18 milyard dolları keçəcək.

“Volkswagen”dən məsələ ilə bağlı geniş şərh verməkdən imtina ediblər və yalnız onu deyiblər ki, adı çəkilən dövlət qurumu ilə əməkdaşlıq edirlər.

Bu arada isə ABŞ hakimiyyəti eyni proqram təminatı ilə işləyən 482 min “Volkswagen” markalı minik avtomobilinin geri çağrılması barədə şirkətə xəbərdarlıq edib.