"Volvo" 10 min avtomobilini geri çağırdı

İsveç avtomobil istehsalçısı Volvo hava yastıqlarında problemin olması ilə əlaqədar 10 min avtomobilini geri çağırıb. 

Avtosfer.az bloomberg-ə istinadən xəbər verir ki, Avtobloq (Autoblog) saytına şərhində şirkətin nümayəndəsi Stefan Elfstrom hava yastığı sistemlərində bir proqram problemi təsbit etdiklərini, test zamanı yastıqların lazım olan sürətdə açılmamasını müəyyən etdiklərini bildirib. 

S.Elfstrom qeyd edib ki, problem ABŞ, Almaniya, Kanadaya edilən satışlarda özünü göstərib. 

Bundan əlavə, onun sözlərinə görə, problem Volvonun 2016 modeli olan XC90 avtomillərində müşahidə olunub.