«Wolkswagen» qalmaqalı ərəbləri çökdürdü

Qətər suveren fondu (QIA) Wolkswagen, Glencore və Çinin Kənd təsərrüfatı bankının aktivlərinin ucuzlaşması ilə bağlı üçüncü rübün sonuna bir neçə gün qalmış 12 milyard dollar itirə bilər. Bu barədə Fins.az “Financial Times” qəzetinə istinadən xəbər verir. “Wolkswagen” səhmlərinin 8,4 milyard dollar həcmində kəskin ucuzlaşması fondun zərərlərinin artmasının əsas səbəblərindəndir. Belə ki, fond alman avtokonserninin imtiyazlı səhmlərinin ən böyük sahibi, həmçinin, adi səhmlərinin üçüncü ən böyük sahibidir. Bundan başqa, QIA “Glencore” treydinq şirkətinin 8,2% hissəsinin sahibdir. Dövrün əvvəlindən zərərlərin həcmi 2,7 milyard dollara çata bilər. Çin Kənd təsərrüfatı bankı üzrə zərərlər 650 milyon dollara çatır.

Qeyd olunur ki, QIA rübü 10 nəhəng investisiya layihəsinin səkkizini itirməklə başa vurur.