320 km/saat sürətlə radara düşən sürücü CƏZALANDIRILMADI

Belçikada sürət rejiminin pozulması ilə bağlı rekord müəyyən edilib.

Avtosfer.az-ın xəbərinə görə, naməlum avtomobil 90 km/saat sürət limiti olan ərazidə 320 km/saat sürətlə radara düşüb.

Lakin polis bu ciddi qayda pozuntusunu törədən şəxslə bağlı heç bir tədbir görməyib. Polisin açıqlamasında göstərilir ki, ölkədəki radarlar 300 km/saatadək sürəti ölçməyə hesablanıb. Bu limitdən yuxarı sürəti qəbul etmək qanunsuzdur.

Sürücüyə cərimə də tətbiq etmək mümkün olmayıb. Çünki radar yalnız sürəti qeydə alıb. Heç bir foto çəkilməyib.