"Audi" və "Porche" "Formula 1"in yeni iştirakçıları ola bilər

Almaniyanın "Volkswagen" konserninin tərkibinə daxil olan "Audi" və "Porsche" şirkətləri "Formula 1" üzrə dünya çempionatında çıxış edən komandaların mühərrik tədarükçüsü ola bilər.

Avtosfer.az xəbər verir, ki, bu, sözügedən şirkətin yarış iştirakçılarının sırasına daxil olmasına imkan yaradacaq.

"Auto Motor" nəşrinin almaniyalı jurnalisti Mixael Şmidtin sözlərinə görə, "Audi" və "Porsche" nümayəndələri Beynəlxalq Avtomobil Federasiyasının (FIA) rəsmiləri və "Formula 1" komandaları üçün mövcud mühərrik tədarükçüləri ilə görüşdükləri, onlarla birlikdə 2026-cı il və sonrakı dövrdə avtomobil mühərrikləri üçün yeni texniki tələblər hazırladıqiları üçün bu hadisənin baş vermə ehtimalı yüksəkdir: "Yekun qərar 8 - 10 oktyabrda Türkiyədə keçiriləcək Qran-priyədək qəbul olunacaq. Hər şey razılaşdırıldığı kimi getsə, "Audi" və "Porşe" 2026-cı ildə yarışa daxil olacaq. Onların əsas şərti MGU-H (motor-generator) mühərrikindən imtina etməkdir. Bu baş versə, hər iki avtomobil istehsalçısının "Formula 1"in bir hissəsi olacağına əmin ola bilərsiniz".

Hazırda "Formula 1" bolidlərini mühərriklə İtaliyanin "Ferrari", Yaponiyanın "Honda", Fransanın "Renault" və Almaniyanın "Mercedes" şirkətləri təchiz edir. Daha əvvəl "Honda" 2022 -ci ildə "Formula 1"dən çıxacağını elan edib.

TED.az