Avropada avtomobil müsabiqəsinin finalında elektromobillər üstünlük təşkil edir

Avropanın “Car of the Year” müsabiqəsinin 60 nəfərlik münsiflər heyəti 39 iştirakçı modeli arasında yeddi finalçını seçib.

“Report” xarici KİV-ə istinadən xəbər verir ki, gələn il fevralın 16-da yekun virilacaq müsabiqənin baş mükafatına namizədlər arasına “Cupra Born”, Ford Mustang Mach-E”, “Hyundai Ioniq 5”, “Kia EV6”, “Pegeot 308”, “Renault Megane E-Tech”, “Scoda Enyaq iV” seçilib. Beləliklə, 7 namizədin 6-sı (“Pegeot 308”dən başqa) elektromobildir.

Qeyd edək ki, bu müsabiqədə iştirak edən avtomobil modelləri Avropanın azı 5 ölkəsində satılmalıdır. Bu ilin avtomobili adına “Toyota Yaris” layiq görülüb.