"Volvo" ağlasığmaz qəza testi həyata keçirdi - Avtomobilləri uçurumdan atdılar - VİDEO

Bir sıra müstəqil təşkilatlar avtomobil sənayesində yeni məhsulların müntəzəm qəza testlərini nümayiş etdirirlər. Avtosfer.az xarici KİV-ə istinadən xəbər verir ki, ən ekstrim qəza testlərindən birini "Volvo" şirkəti həyata keçirib. Sınaqlar zamanı isveçlilər özlərinə məxsus on yeni avtomobili bir anda 30 metr hündürlükdən atmağa qərar veriblər. Bu qeyri-adi qəza testi üçün "Volvo" bir inşaat vinçini icarəyə götürməli olub. Mühəndislərin izah etdiyi kimi, bu yanaşma ən ağır qəzalarda, məsələn, bir avtomobilin yüksək sürətlə yük maşını ilə toqquşması və ya yan tərəfdən güclü bir zərbə ilə vurulduğu ziyanı tam simulyasiya etməyə kömək etdi.

Bununla birlikdə, bu sınaqların əsas vəzifələrindən biri də xilasedicilərə qəzalı avtomobillərdən yaralıların ən qısa müddətdə evakuasiya edə bilmələri üçün təlim keçmək idi.