Kral ailəsinin maşını auksiona çıxarıldı - FOTO

Bəhreynin ilk Baş naziri və Bəhreyn kral ailəsinin üzvü Şeyx Xəlifə bin Salman Əl-Xəlifə məxsus “Aston Martin DB4” satışa çıxarılıb. 
Avtosfer.az bildirir ki, “Bring a trailer” hərrac evi tərəfindən satışa çıxarılan bu model 1961-ci ildə kral ailəsi tərəfindən alınıb.

Avtomobil 31 dekabr 1963-cü ildə Bəhreyn Petrol Şirkətinin prezidenti cənab  Arnold'a hədiyyə edilib. ABŞ-a gətirilən avtomobil 1987-ci ildə ölümünə qədər cənab Arnoldun yanında qalıb.

Onun ölümündən sonra isə avtomobil qızına miras qalıb və 2020-ci ildə satış dileri tərəfindən əldə edilib.

 
2021-ci ildə avtomobildə debriyaj və əyləc silindrlərinin yenilənməsi həyata keçirilib və yeni təkərlər quraşdırılıb.

Avtomobilin yürüş məsafəsi isə cəmi - 8000 mil-dir.

322.000 dollara auksiyona çıxarılan “Aston Martin DB4”  17.05.2021 tarixində 510.000$’a satılıb.
 

Aysel