Bu avtomobil 34 milyon manata satıldı - FOTO

1995-ci ildə istehsal olunan "McLaren F1" avtomobili hərracda 20 milyon 465 min dollara (təxminən 34 milyon 790 min manat) satılıb.

Avtosfer.az xarici mətbuata istinadən xəbər verir ki, hərracda yaponiyalı kolleksiyonerə məxsus olan maşın üçün 15 milyon dollar təklif olunsa da, daha sonra qiymət artmağa başlayıb.

Onu yeni sahibinin kimliyi isə açıqlanmayıb.

Sözügedən avtomobildən cəmi 64 ədəd istehsal olunub. 1240 kiloqram çəkiyə və 627 at gücünə sahib maşının maksimal sürəti saatda 386 km-dir.