"Çip böhranı 2022-ci ilin ortasında bitə bilər" - PROQNOZ

ABŞ-ın qlobal sərmayə bankı JPMorgan, qlobal çip qıtlığının 2022-ci ilin ortalarına qədər davam edəcəyini gözləyir.

Avtosfer.az xəbər verir ki, Bank 2023-cü ildə çip qıtlığının olmasını gözləmir.

"İlin ikinci yarısında işlər yaxşılaşa bilər, ancaq ilk altı ayda sektorda qıtlıqlar görülə bilər",- Bankdan bildirilib.

ABŞ və Avropada çip istehsalçılarının güclərini artıracaqlarını qeyd edən Bank, gələn ilin ortasından etibarən əlavə istehsalın qıtlığı aradan qaldıracağını hesab edir.

2020-ci ildə başlayan koronavirus pandemiyası səbəbilə elektronika məhsullara olan tələbin artması və tədarük zəncirində axsamaların baş verməsilə çip qıtlığı yaranıb. (Marja)