Dünyanın ən etibarlı avtomobilləri seçildi

Dünyanın ən etibarlı avtomobillərin markaları açıqlanıb.

Avtosfer.az lent.az-a istinadən xəbər verir ki, bu barədə araşdırmanı "J.D. Power" şirkəti aparıb.

Analitiklər 2018-ci il istehsalı olan 33 251 avtomobilin sahibi arasında sorğu aparıb. Sorğuda daha çox son 12 ay istifadə zamanı rast gəlinən problemlər əsas götürülüb və səkkiz qruplar üzrə 177 konkret nasazlıqlar əhatə olunub.

Sorğuya əsasən, "Lexus" ən etibarlı avtomobil hesab edilib. İkinci pillədə "Porsche", üçüncü pillədə isə "Kia" avtomobilləri qərarlaşıb. Araşdırmanın müəllifləri bildirir ki, Cənubi Koreya istehsalçısı daha məşhur brendlər arasından bu pilləyə qalxmaqla ən yüksək yer əldə etmiş olub.

Araşdırmaya əsasən, ən etibarlı model "Porsche 911" seçilib.