Ferrari Dino modelinin varisini təqdim etməyə hazırlaşır - FOTO - VİDEO

Məlum olduğu kimi, aprel ayının ikinci yarıcında Ferrari şirkəti V12 mühərriki ilə hərəkətə gələn ekstremal 812 Competizione superkarını təqdim etmişdi.

İndi isə, italyan istehsalçısı silindrlərinin sayı iki dəfə az olan yeni superkarı təqdim etməyə hazırlaşır. Artıq anladığınız kimi, yeni superkarın debütü yuxarıda qeyd etdiyim tarixdə baş tutacaq.

F171 kod adlı superkar 700 at qüvvəsinin üzərində gücə sahib olacaq. Bu yeni superkara McLaren Artura modeli ilə rəqabət aparmağa imkan verəcək. Xatırladaq ki, ingilis superkarı ümumi gücü 671 at qüvvəsi olan hibdir güc qurğusu ilə hərəkətə gəlir. Çox güman ki, müasir Dino sportkarı SF90 Stradale superkarından alınmış batareya ilə təchiz ediləcək. Bu isə, ona elektrik ötürməsi ilə müəyyən məsafəni qət etməyə imkan verməlidir. (Autograph)