“Hyundai” elektrik avtomobillərinin payını 2040-cı ilədək 80 faizə çatdıracaq
Avtodünya 13 Oktyabr 2021 13:47 Oxunub 152
“Hyundai” elektrik avtomobillərinin payını 2040-cı ilədək 80 faizə çatdıracaq

Cənubi Koreyanın “Hyundai” şirkəti 2040-cı ilədək elektrik avtomobillərinin illik istehsalını ümumi avtomobil buraxılışının 80 faizinə çatdırmağı hədəfləyib.

Elektrik avtomobilləri “Hyundai”ın hazırda dünya üzrə satılan nəqliyyat vasitələrinin cəmi 1,5 faizini təşkil edir. Şirkət 2030-cu ilədək bu rəqəmi 30 faizə çatdırmaq niyyətindədir. “Hyundai” qarşıya qoyulan hədəflərə çatmaq üçün 2035-ci ilədək Avropadakı zavodlarında, 2040-cı ilədək isə digər regionlardakı zavodlarında istehsal xətlərini elektrik mühərrikli avtomobillər buraxan xətlərə dəyişəcək. Artıq elektrik avtomobillərinin modelləri də müəyyən olunub. Bunların biri də “Nexo”dur.

“Hyundai” elektrik avtomobillərinin istehsalını artırmaqla karbon emissiyasını 2040-cı ilədək 75 faiz azaltmaq niyyətindədir.

Qeyd edək ki, cari ilin yanvar-iyul aylarında “Hyundai” hidrogenlə işləyən 5300 avtomobil istehsal etməklə əsas rəqibi “Toyota”nı qabaqlayıb. Şirkət həmin müddətdə ötən ilin eyni dövrü ilə müqayisədə 18 faiz çox – 2,64 milyon ədəd avtomobil istehsal edib. İl ərzində isə 4,16 milyon avtomobil istehsalı nəzərdə tutulub.

ŞƏRH YAZ
Ad

E-mail

Şərh