Maşında yanaraq ölən futbolçunun ölümü ətrafındakı müəmma davam edir - FOTO

Türkiyədə idarə etdiyi avtomobildə yanaraq həlak olan 27 yaşlı futbolçunun ölümü ətrafında müəmmalı vəziyyət davam edir.

İki gün əvvəl Türkiyənin Samsun şəhərində idarə etdiyi avtomobildə yanaraq həyatını itirən 27 yaşlı futbolçu Burak Gündoğdunun ölümünün səbəbi hələ də açıqlanmır.

Qeyd olunur ki, transfer danışıqlarına yollanan futbolçu təqaüddə olan zabit atasının avtomobilində faciəvi şəkildə həlak olub.

Hadisə vaxtı ərazidə olan insanlar dərhal aidiyyəti qurumlara məlumat veriblər.

Burak Gündoğdunun cəsədi DNT testi üçün Samsun şəhər Tibb Şöbə Müdirliyinə göndərilib.

Lakin hadisədən artıq üç gün keçməsinə baxmayaraq, futbolçunun faciəvi ölümünün səbəbləri barədə ictimaiyyətə heç bir məlumat verilmir.

Mənbə: “İhlas Haber Ajansı” (İHA)