İlk dəfə elektrikli avtomobil benzin avtomobili keçərək satışlarda 1-ci yeri tutub

Tesla Model 3 elektromobili ən məşhur benzinli avtomobilləri geridə qoyaraq Avropada sentyabr ayında ən çox satılan nəqliyyat vasitəsi olub.
Tesla Model-3 sentyabrda Avropada ən çox satılan nəqliyyat vasitəsi olub. Beləliklə, ilk dəfə bir elektrikli avtomobil benzinli modelləri keçərək satışlarda birinci yeri tutub.

Teslanın ən münasib qiymətli modellərin biri olan Model 3 elektromobili Renault Clio və Volkswagen Golf kimi markaları geridə qoyaraq Avropada ən çox alınan avtomobil olub.

"Jato Dynamics"in araşdırma hesabatına görə, Teslanın üçüncü rübün sonunda satışlarını artırmağa istiqamətlənmiş hücumu Model 3-ün satışlarının artmasına müsbət təsir göstərib.

İlk dəfə bir elektrikli avtomobil aylıq satışlarda ilk yeri tutarkən, avtomobil istehsalçılarının daxili yanma mühərrikləri yavaş-yavaş tərk etməsi lazım olduğuna dair işarələr də gedərək artır. Hökumətlər də elektrikli avtomobil almaq istəyənlərə comərd vergi təşviqləri edir.

Tesla Sentyabr ayında 24 min 591 ədəd Model 3-ü müştərilərinə təhvil verib. Bu da keçən ilin eyni dövrü ilə müqayisədə 58% çoxdur.

Qeyd edək ki, 2021-ci ilin 3-cü rübündə Elon Musk-ın elektromobil şirkəti Tesla-nın gəliri 57% artaraq 13,8 milyard dollara yüksəlib.///marja