"Jeep Wagoneer" və "Grand Wagoneer" modelləri debüt edib

Bu gün Jeep şirkəti ən iri və dəbdəbəli premium ofrouderləri ilə rəqabət aparacaq modelini təqdim edib.

Beləliklə, amerikan markası mərhum Sercio Markionnenin arzusunu yerinə yetirmiş olub - FCA konserninin keçmiş rəhbərinin vəd etdiyi kimi, yeni Jeep iki versiyada - Wagoneer və Grand Wagoneer versiyalarında debüt edib.

Hər iki ofrouder Grand Cherokee L modelindən daha böyükdürlər və aparıcı kuzov yerinə rama konstruksiyasına malikdirlər. Şassi və əsas komponentlər baxımından Wagoneer ailəsi Ram 1500 pikapı ilə unifikasiya edilib.