Malavidə sürücülərin tətilini dağıtmaq üçün ordudan istifadə olunub

Malavi hökuməti yanacaqdaşıyan avtomobil sürücülərinin tətilinin davam etdiyi üçüncü gün prosesə ordunu cəlb edib.

"Report" xəbər verir ki, bu barədə "France Presse" agentliyi məlumat yayıb.

Məlumata görə, ordunun işə qarışmasına səbəb ciddi yanacaq çatışmazlığı hiss etməyə başlayan yanacaqdoldurma məntəqələrinə benzin tədarükünü müşayiət etmək olub.

Malavi ordu komandanlığı əhalini ordunun hərəkətlərinə müdaxilə etməməyə çağırıb.

Qeyd edək ki, sürücülərin tətili sentyabrın 28-də başlayıb. Onlar işəgötürənlərdən yüksək əmək haqqı tələb edirlər.