"Mercedes"dən yeni konsepsiya: bu avtomobil ağılla idarə olunacaq - FOTO

Elmi fantastika filmlərindən çıxan "Mercedes"In yeni Vision AVTR avtomobili ağıl tərəfindən idarə olunacaq.

Avtosfer.az xəbər verir ki, avtomobil sürücünün rəqəmsal göstərici lövhəsinə baxması ilə işləyəcək.
“Mercedes-Benz” Ceyms Kameronun məşhur "Avatar" filminden ilhamlanaraq hazırlanıb.

Sürücülərin düşüncələrini hərəkətə gətirəcək elektrodları olan BCI başlığı ilə birlikdə gələn Vision AVTR üçün heç bir fiziki hərəkət tələb olunmur. Yeni texnologiya sürücülərin avtomobili idarə etmək barədə düşünməkdənsə, rəqəmsal alətlər panelindəki nöqtələrə baxması ilə işləyir. BCI cihazının neyron fəaliyyətini real vaxtda ölçə bildiyini deyən şirkət, ölçülən beyin dalğalarının analiz edildiyini və sürücünün hansı nöqtəyə daha çox diqqət yetirdiyini müəyyənləşdirdiyini bildirib. 

“Mercedes”in istehsal etdiyi elektrik avtomobili Vision AVTR hazırda yalnız konsepsiya olaraq nümayiş etdirilib. Gələcəkdə belə bir avtomobilin istehsal edilib-edilməyəcəyi məlum deyil, lakin avtomobilin dizaynı artıq bir çox istifadəçini həyəcanlandırıb.