Piyada qayda pozdu, cərimə sürücüyə gəldi - FOTO

Britaniya vətəndaşı maraqlı hadisə ilə üzləşib. 

Avtosfer.az-ın Lent.az-a istinadla xəbərinə görə, London sakini polisdən gələn məktubu aldıqda təəccüblənib. 

Ona heç vaxt getmədiyi şəhərdə avtobus yoluna çıxması ilə bağlı 90 funt (təxminən 200 AZN) cərimə gəlib. Lakin fotodakı avtomobil deyil, yaşlı qadın idi. 

Araşdırma zamanı məlum olub ki, qadının köynəyində KNITTER yazılıb. Londonlu sürücünün avtomobilinin nömrəsi isə KN19TER-dir. 

Sürücünün xanımı məsələni ictimailəşdirdikdən sonra polis cəriməni ləğv edib.