Toyota Çexiyadakı zavodda avtomobil istehsalını məhdudlaşdırdı

Yaponiyanın avtomobil istehsalçısı Toyota Motor, üç həftəlik fasilədən sonra Bazar ertəsi günü Çexiya, Mərkəzi Bohemiyadakı Kolin fabrikində istehsalına başlayıb, lakin elektron komponentlərin (əsasən çiplər) çatışmazlığı səbəbindən tezliklə istehsalını yenidən yarıya endirəcək. 

Bu barədə jurnalistlərə zavod rəhbərliyinin rəsmi nümayəndəsi Tomasz Paroubek bildirib.

"Zavod yay tətilini 15 avqustda başa vurdu, ancaq elektron komponentlərinolmaması səbəbindən tətil daha üç həftə uzadıldı. İstehsal xətti Bazar ertəsi günü istifadəyə verildi. Elektron komponentlər hələ də çatışmır. Zavod yalnız gücünün 40% - 50% -i ilə işləyəcək",- Paroubek deyib.

Çexiyada yerləşən digər avtomobil müəssisələrində də komponent çatışmazlığı problemi yaşanır. Məsələn, Çexiyanın ən böyük avtomobil istehsalçısı Škoda (Skoda) iş növbələrinin sayını azaldıb. Yerli mətbuatın yazdığına görə, elektron komponentlərin tədarükü payızın ikinci yarısında başlaya bilər.