“Toyota” yeni elektrik avtomobilini təqdim edəcək

Yaponiyanın “Toyota” şirkəti martın 15-də “X Prologue” adlı yeni konseptual avtomobilini təqdim edəcək.

Bu barədə avtomobil markasının mətbuat xidməti bildirib.

Avtomobil haqqında bütün informasiyalar hələlik gizli saxlanılır. Bununla belə, “Toyota” yeni elektrik avtomobilin məhdud görüntüsünü yayıb. Yeni model bir sıra fərqli xüsusiyyətləri ilə seçilir. Bundan başqa, modeldə radiatorun barmaqlığı yoxdur.

“Carscoops” nəşrinin məlumatına görə, söhbət yeni elektrik krossverdən gedir. Onun əsasında, “Subaru” ilə birgə hazırlanmış “e-TNGA” platforması dayanır. Avtomobil “Volkswagen ID.4”, “Nissan Ariya" və başqa belə maşın modelləri ilə rəqabət aparacaq.