Toyotadan 3,4 milyard dollarlıq batareya sərmayəsi

Toyota Motor, ABŞ-da yeni bir şirkət quraraq batareya istehsal etmək 2030-cu ilə qədər ölkəyə 3,4 milyard dollar sərmayə yatıracaq.

Avtosfer.az Şirkətin açıqlamasına istinadən xəbər verir ki, istehsal 2025-ci ildə başlayacaq və 1750 nəfər üçün iş yeri yaradılacaq.

Zavodun qurulacağı yer ilə əlaqədar hər hansı bir məlumat verilməyib.

ABŞ-a yatırılacaq sərmayə, Toyotanın keçən ay açıqladığı və 2030-cu ilə qədər 13,1 milyard dollar xərcləməyi hədəflədiyi qlobal planının bir hissəsidir.  Toyota, 2030-cu ildə ABŞ-dakı satışlarının 70%-inin elektrikli vasitələr olacağını təxmin edir.

Toyota ilə bərabər Tesla, LG və Stellantis kimi istehsalçılar da bazar ertəsi günü ABŞ-da elektrikli batareya zavodu qurmaq planlarını açıqlayıblar. Ford Motor keçən ay Tennessee və Kentuski ştatlarında batareya istehsal etmək üçün 11,4 milyard dollarlıq bir plan açıqlamışdır.

Toyota, ABŞ-dakı yeni zavodla tədarük zəncirini təkmilləşdirməyə çalışır. Toyota da digər avtomobil istehsalçıları kimi qlobal çip tədarük böhranından ciddi şəkildə mənfi təsirlənib.