Yeni nəsil Jeep Wrangler üçün yarımqapılar təklif edilir - FOTO

Standart olaraq Jeep Wrangler ofrouderi metal pəncərə çərçivələri və elektrik şüşəqaldıranları olan tam ölçülü yan qapılarla təchiz edilir. Əlbəttə ki, belə qapıları qanuni şəkildə sökmək olar, amma açıq məkan hissini artırmaq istəyənlər və qapıların tam olması ilə razılaşmayan şəxslər üçün şirkət sözdə half doors adlandırılan yarımqapıları təklif edir. Əvvəlki Wrangler modelində də belə opsiya var idi, lakin 2017-ci ilin modeli üçün yarımqapılar opsiyalar siyahısında yalnız indi peyda olublar.

Belə qapıların yuxarı hissəsi yoxdur və "pəncərə xətti" baqaj bölümünün bortları ilə eyni səviyyəyə endirilib. Petlə, elektrik girişləri və digər bağlayıcılar standart qapılarla eynidır. Daxili tutacaqların yerinə dəri qayışlar quraşdırılır və pis hava şəraitində yarımqapıları plastik pəncərələri olan vinil və ya akrildən (tentlə eyni materialdan hazırlanır) kilidlənən çərçivələr ilə tamamlamaq olar.

Yarımqapılar Mopar şöbəsi tərəfindən hazırlanır və opsional Dual Door Group firma paketə daxildir. Bu, Wrangler modelinin həmişə zavoddan standart qapılarla çıxdığını, yarımqapıların isə, müstəqil şəkildə quraşdırmaq üçün aksesuar şəklində təklif olunduğunu göstərir. ABŞ-da belə paketin qiyməti ikiqapılı qısabazalı Wrangler üçün 2350 dollardan, dördqapılı uzunbazalı versiya üçün 3995 dollardan başlayır./Autograph