Avtomobil dağın altında qaldı - REAL GÖRÜNTÜLƏR - VİDEO

Peruda aramsız yağışların səbəb olduğu torpaq sürüşməsi dəhşətli görüntülərə səhnə olub. Avtosfer.az atv.az-a istinadən xəbər verir ki, dağın uçması nəticəsində yük maşını dağıntılar altında qalıb. Məlum olub ki, hadisə zamanı həmin nəqliyyat vasitəsində 2 nəfər olub. Dərhal əraziyə gələn axtarış-xilasetmə qrupları, onlardan birinin cəsədini tapa bilib, digərinin taleyi barədə hələki məlumat yoxdur. Anbaan lentə alınan görüntülərdən də məlum olur ki, hadisə zamanı ərazidə bir neçə piyada və avtomobil olub. Lakin onlar qaçaraq son anda faciədən yayına bilib. Əlaqədar qurumlar növbəti torpaq sürüşmələrinin baş verə biləcəyi ilə bağlı sakinlərə xəbərdarlıq edib. Bəzi dağ yollarında avtomobillərin hərəkəti məhdudlaşdırılıb.