Azərbaycanlılarla ermənilərin «Niva»ya fərqli yanaşması – İlginc VİDEO

Avtosfer.az sosial şəbəkələrdə «Niva» avtomobilləri ilə bağlı maraqlı videoları toplayıb və ardıcıllıqla qruplaşdırıb. Bu videoda azərbaycanlı və erməni «Niva» həvəskarlarının bu avtomobilə yanaşması əks olunub. Qısaca olaraq onu bildirək ki, «Niva»ya yanaşma azərbaycanlılarla ermənilər arasında olduqca fərqlidir. Ermənistanda tam olaraq plyonkalı «Niva»lara daha çox rast gəlinir. Orada «Niva»ların qabaq tərəfi yox, arxa tərəfi qaldırılır.

Azərbaycanlı «Niva» həvəskarlarından fərqli olaraq, ermənilər arasında avtomobilin arxa hissəsini endirib-qaldıran «pnevmo» qurğusundan istifadə olunmur. Bəlkə də, bu qurğu bahalı olduğu üçün ermənilərin gücü çatmır. Ermənilər «Niva»nın işıq cihazlarına, səs siqnallarına da mənasız müdaxilələr etmirlər. Amma maşını təhlükəli sürmək məsələsində ermənilər də bizimkilərə oxşamağa çalışırlar. 

Azərbaycanlılarla ermənilərin «Niva»ya olan marağında daha çox oxşar mənzərə odur ki, hər iki ölkədə «Niva»nı gənc və orta nəslin nümayəndələri əldə edib sürürlər.

Avtosfer.az-ın təqdim etdiyi bu videoda çox maraqlı və fərqli yanaşmalar əksini tapıb.

Emin