Bakıda 100 minlik maşınla kiçik qayda pozuntusu - böyük qəza – REAL VİDEO

Bakıda bahalı avtomobil idarə edən sürücünün yol verdiyi kiçik qayda pozuntusu ağır qəzaya səbəb olub. Avtosfer.az-ın məlumatına görə, «Audi-Q7» markalı avtomobilin sürücüsü nizamlanmayan yolayrıcına daxil olarkən sağdan hərəkət edən «Hyundai» markalı avtomobilə yol vermədiyi üçün toqquşma baş verib. Hadisə anı Daxili İşlər Nazirliyinin «Təhlükəsiz şəhər» Avtomatlaşdırılmış İdarəetmə Mərkəzinin kamerası vasitəsilə qeydə alınıb. Videodan da göründüyü kimi, burada yolayrıcı nizamlanmır. «Audi»nin gəldiyi yolda «Stop» nişanı var ki, bu da «dayanmadan keçmək qadağandır» xəbərdarlığını bildirir. Lakin bahalı avtomobilin sürücüsü bu nişana əhəmiyyət vermədən hərəkəti davam etdirir və sağdan gələn avtomobillə toqquşma baş verir. Bir zərbə ilə «Auidi»nin buferi yerindən qopur, ön tərəfi əzilir. «Hyundai» markalı avtomobilə də ciddi ziyan dəyir. 

Həmin qəzanın videosunu təqdim edirik:

Elmin