«Baku Bus»un avtobusunda hoqqabazlıq edən sərnişinin VİDEOsu - YENİLƏNİB

Bakıda «Baku Bus» MMC-nin avtobusunda hoqqabazlıq edən sərnişinin videosu yayılıb. MMC-dən Avtosfer.az-a göndərilən videodan məlum olur ki, gənc sərnişin tıxacda dayanmış avtobusun qəza düyməsini basıb. Bu zaman arxa qapı dərhal açılıb. Sərnişin bu hərəkətindən məmnunmuş kimi ətrafdakılara baxıb gülümsəyir. Digər sərnişinlər arasında ona qəzəblə baxanlar olsa da, heç kim irad bildirmir. Əksinə, bəzi sərnişinlər yaranmış vəziyyətdən istifadə edərək avtobusun açıq qapısından düşüb gedirlər.

Tıxac bitdikdən sonra isə avtobusun hərəkəti mümkünsüz olub. Sürücü məcburən gəlib qapıları özü bağlayır. Bundan sonra avtobus hərəkəti davam etdirə bilir.

Həmin görüntüləri təqdim edirik:

***

Avtobusda qəza düyməsini basan Əyyub Qənbərzadə bu gün Avtosfer.az-a əlaqə saxlayaraq barəsində yazılanlara cavab verib. O bildirib ki, həmin gün avtobusda hansı hadisənin baş verdiyi açıqlanmır: «Pəncərələr bağlı, soyuducu sistem işləmir. İki qızın vəziyyəti pisləşib, söyüşün biri bir qəpikdən. Ona görə də, insanlar qapını açdı və iki qızı marşurutdan çıxardıq. İnsanlar həmin gün avtobus sürücüsünü az qala döyürdülər. Orada qarşıdakı kameranın görüntülərində hər şey var».  

Elmin